Dëmtimet e Luka Modric dhe Toni Kroos po e bëjnë Zinedine Zidane që të mendojë për një zëvëndësim alternativ dhe në repertorin e trajnerit francez zgjidhja më e duhur duket kroati Mateo Kovacic.
Kroati në mënyrë surprizë është bërë një lojtar i preferuar për Zinedine Zidane ku këtë sezon është aktivizuar në një numër të madh ndeshjesh.
Gjatë këtij sezoni Kovacic ka qenë titullar në Superkupën e Europës kundër Manchester United dhe në Superkupën e Spanjës kundër Barcelonës ku Real Madridi triumfoi në të dy kompeticionet.
Nëse aktivizohet që nga minuta e parë së bashku me Casemiron atëherë kroati do të ketë për detyrë që të shkatërrojë aksionet sulmues të sulmit të parizienëve.