Inter ka blerë zyrtarisht sulmuesin e Sassuolo-s Matteo Politano në formë huazimi me të drejtë blerje me një shifër rreth 25 mln euro.
Raportohet se Zikaltërit do të paguajnë 5 mln euro për huazimin njëvjeçar dhe mund ta blejnë 23-vjeçarin përfundimisht për 20 mln euro.
Ai ka lënë të dashurën, me të cilën është duke kaluar muajin e mjaltit, për të finalizuar transferimin tek Inter.
Ditën e shtunë ai ka qenë në Milano për të kryer vizitat mjekësore, pasi ato dolën me sukses, ai ka nënshkruar kontratën e tij.
Politano është një lojtar i përfaqësuesese italiane, ka një të majtë të fortë dhe njihet për shpejtësinë dhe teknikën. Ai mund të luajë në disa pozicione të sulmit dhe është një rrezik nga goditjet standarde.
