Nuk ka pasur asnjë klub më të suksesshëm se sa Real Madrid pasi ata sezonin e fundit kanë fituar për të trembëdhjetën herë Champions League.
Por pas këtij suksesi që në mbrëmjen e finales së Champions League filluan krisjet e mëdha të Real Madrid.
“Eksodin” e nisi Cristiano Ronaldo ku hodhi si fillim dyshime për të ardhmen e tij.
Më pas ishte edhe Bale ai që ishte i pakënaqur me ekipin e “Los Blancos” dhe pakënaqësia për të vijon ende.
Largimi i papritur i Zidane ishte tronditja tjetër e Real Madrid dhe ende pa mbledhur veten u pasua me largimin e CR7.
Presidenti i ekipit bashkë më ekipin e Real Madrid kanë punuar shumë për të sjell disa lojtarë në Madrid si Mbappe, Neymar apo Cavani por të gjitha tentativat e deri tanishme kanë dështuar dhe sikur të mos mjaftonte kjo është Bale ai që po shikon largimin nga kjo skuadër.
Sipas “DonBAlon” situata duket tepër e ndërlikuar për Real Madridin dhe trajneri i tyre Lopetegui ka një peshë shumë të rëndë mbi supe ku duhet të zgjidhë sa më parë këtë krizë.
Fillimi i sezonit është absolutisht kyç, për të ardhmen e Real Madrid për të mos lejuar një rënie drastike të klubit që shkroi histori.