Sipas ESPN, trajneri i Arsenal, Unai Emery, ka bërë të ditur se vetëm tre lojtarë mund të largohen nga ekipi gjatë pjesës së mbetur të merkatos së verës.
Ata janë: David Ospina, Joel Campbell dhe Carl Jenkinson. Çdo lojtar tjetër do të qëndrojë, duke përfshirë këtu Welbeck dhe Elneny.
“Topçinjtë” do ta nisin sezonin e ri të dielën në mbrëmje kundër kampionëve në fuqi të Manchester City. Ndeshja do të zhvillohet në “Emirates”, në orën 17:00.
Kujtojmë se Emery këtë verë ka marrë drejtimin e Arsenalit, ku do të zëvendësojë të larguarin Arsene Wenger.