Futbollisti i PSG, Neymar në një intervistë për Daily Express, u pyet edhe rreth Liverpoolit.
Kampionët e Francës do të përballen me Liverpoolin në fazën e grupeve në Ligën e Kampionëve.
Ylli i Parizienëve u shpreh se Liverpooli nuk do të arrijë të kualifikohet në Ligën e Kampionëve sezonin e ardhshëm.
“Kush do ta fitojë Premier League? Me të vërtetë e vështirë. Është e vështirë të parashikohet, por mendoj se Manchester City do ta fitojë përsëri titullin. E dyta do të jetë Chelsea, Manchester United dhe në vendin e katërt Tottenham”, ka parashikuar Neymar.
Liverpooli e ka filluar shkëlqyeshëm sezonin e ri duke fituar katër ndeshje dhe duket se kjo deklaratë është vetëm një provokim nga braziliani.