Në një pistë si ajo e Marina Bay në Singapor ku parakalimet janë të vështira dhe ku nisja e garës nga vija e parë është e rëndësishme për të fituar garën, piloti britanik Lewis Hamilton ka treguar edhe një herë klasin e tij, duke siguruar “pole position”.
Piloti britanik i Mercedes dha kohën rekord 1’36”015, duke siguruar “pole” dhe duke hedhur një hap të madh drejt triumfit nesër në garë. Në krah të tij në vijën e parë të startit do të jetë holandezi Max Verstappen me Red Bull, duke befasuar dy makinat Ferrari.
Vetëm i treti Sebastian Vettel me Ferrari, gati gjysmë sekondë më i avashtë se Hamilton, duke mos rivalizuar dot për “pole. I katërti doli Valtteri Bottas me makinën tjetër Mercedes, duke lënë pas Kimi Raikkonen me Ferrari (i pesti) dhe Daniel Ricciardo me Red Bull (i gjashti).
Në “top-10” u renditën Perez (Force India), Grosjean (Haas), Ocon (Force India)dhe Hulkneberg (Renault). Gara nesër starton në orën 14:10.
BREAKING: Lewis Hamilton clinches pole in Singapore! Verstappen and Vettel make it three different teams in the top three #SingaporeGP ?? #F1 pic.twitter.com/7cWPdINox9
— Formula 1 (@F1) September 15, 2018