Interi është rreshtuar rreth një lëvizje për ish-menaxherin e përgjithshëm të Juventusit, Giuseppe ‘Beppe’ Marotta.
Marotta njoftoi gjatë fundjavës se do të largohet nga Juventusi më vonë këtë muaj, kur skadon kontrata e tij aktuale.
Por, mediat italiane raportojnë se nuk mungojnë ofertat për ish-drejtuesin e Zonjës së Vjetër. Sipas mediumit Tuttomercatoweb, 60-vjeçari ka shumë oferta në tavolinë dhe në mesin e atyre klubeve të interesuara është edhe Interi.
Pronarët e Interit, kinezët e Suning Group duan të sjellin Marottan në Milano, pasi pëlqejnë punën e kryer në Torinos. Suning duan ta joshin drejtuesin italian duke i ofruar gjithashtu një mbikëqyrje të punës tek skuadra tjetër nën pronësi të tyre, Jiangsu Suning.
Megjithatë, thuhet se Marotta do të shkojë te Nerazzurrët vetëm nëse pronarët e pastrojnë ekipin e tyre nga menaxherët aktual – duke përfshirë edhe drejtorin sportiv Piero Ausilio.
Marotta është përfolur edhe për një kandidim të tij si President i Federatës Italiane të Futbollit [FIGC], por një gjë të tillë e ka mohuar vetë italiani.