Deontay Wilder dhe Tyson Fury janë ndarë pa fitues në një ndeshje jashtëzakonisht spektakolare.
Britaniku ishte padyshim më i mirë gjatë këtij dueli, duke fituar 8 nga 12 raundet e zhvilluara.
Megjithaë, ishin dy nokaute të amerikanit Wilder të cilat me gjasë i kanë siguruar barazimin.
Është ky barazimi i parë në karrierën e dy boksierëve, të cilët deri para këtij meçi kanë numëruar vetëm fitore.
Tashmë dueli i njërit prej boksierëve me Anthony Joshua mbetet në pikëpyetje, pasi shumë lehtë mund të kemi revanshin e këtij dueli.