Nuk kishte se si të mungonte Derby della Madonnina në merkaton e janarit.
Milani dhe Interi do të garojnë për shërbimet e mesfushorit të Udineses, Rodrigo de Paul.
Milani ende nuk ka një plan konkret për merkaton e janarit, por Gattuso ka bërë të qartë se atij i nevojiten përforcime në mesfushë dhe në vijën e sulmit.
Fabregas duket se nuk do të transferohet në janar dhe Rosonerët janë rikthyer kah pista de Paul.
Mirëpo as de Paul nuk është një transferim i lehtë. Interesim për argjentinasin kanë shfaqur Interi, Napoli dhe disa klube të tjera.
Problemet nuk mbarojnë këtu për Milanin, pasiqë Rosonerët kanë probleme me Fair Playn Financiarë dhe zgjidhja e vetme mbetet huazimi i De Paul me opcion blerjeje, mirëpo vështirë të besohet se Udinese do ta pranojë një ofertë të tillë.