Duke filluar nga sezoni i ardhshëm Superkupa e Spanjës nuk do të jetë thjeshtë një finale mes fituesit të Copa del Rey dhe fituesit të kampionatit.
Sipas formatit të ri të zyrtarizuar nga Federata e Futbollit të Spanjës (RFEF), do të jenë katër skuadra që do të përballen në një raund gjysmëfinale të përcaktuar me short, më pas për të vijuar me finalen e madhe.
Kush merr pjesë? Dy skuadrat finaliste të Kupës, që në këtë rast është Barcelona dhe Valencia, si dhe dy skuadrat e para të renditjes në La Liga, që në këtë rast është sërish Barcelona dhe Atletico Madrid, duke qenë se Barcelona është e kualifikuar nga finalja e kupës, i hap rrugë vendit të tretë që ndodhet në kampionat, që i takon Real Madridit.
⚠ OFICIAL | La Asamblea General Extraordinaria de la RFEF aprueba el nuevo modelo de competición para la #Supercopa
ℹ Más info: https://t.co/A4dFLuqwBa#AsambleaRFEF#SomosFútbol #SomosFederación pic.twitter.com/EuVyxTRZnl
— RFEF (@rfef) April 29, 2019
E njohur me emrin “Final Four”, gjysmëfinalja e parë do të zhvillohet me 8 janar të vitit 2020, ndërsa gjysmëfinalja e dytë, një ditë më vonë.
Ndërkohë që finalja do jetë tre ditë më pas, me 12 janar. Do të jetë një mini-kompeticion që do të zhvillohet në harkun e 4 ditëve, para se të fillojë kampionati pas pushimeve të ndërrimit të viteve.