Mediat italiane kanë lansuar një lajm bombastik dhe raportojnë se Interi dëshiron ta rrëmbejë Bakayokon nga rivalët e qytetit.
24-vjeçari luan te Milani si i huazuar nga Chelsea, ndërsa Rosonerët kanë opcionin për ta blerë kartonin e tij për 35 milionë euro.
Bakayoko luajti shkëlqyeshëm me fanellën e Milanit, por pas incidenteve dhe konfliktit të fundit me Gattuson, Rosonerët kanë vendosur që ta kthejnë atë te Chelsea.
Mediat italiane janë të sigurta se Milani nuk do ta blejë kartonin e Bakayokos dhe nga kjo situatë dëshiron të përfitojë Interi.
Drejtori i Interit, Beppe Marotta ka kontaktuar agjentin e Bakayokos, Federico Pastorelo dhe ka filluar të punoj për transferimin e tij te Interi.
Interi pritet ti ofrojë Chelsea 5 milionë euro për huazimin e Bakayokos dhe 30 milionë euro në rast se vendosin ta blejnë kartonin e tij.
Bakayoko është njëri nga mesfushorët më të mirë në Serie A këtë sezon dhe kjo do të ishte një goditje e rëndë për Milanin. Mirëpo gjithçka është në dorën e Rosonerëve, të cilët kanë të drejtë ta blejnë kartonin në fund të sezonit.
#Bakayoko–#Milan, sarà divorzio: #Marotta studia la beffa, l’#Inter vuole il prestito. https://t.co/r915IhLnHI
— SportMediaset.it (@Sport_Mediaset) May 8, 2019