Piloti spanjoll Maverick Vinales me Yamaha fitoi sot garën e Çmimit të Madh të Holandës në Moto GP, zhvilluar në pistën e Assen.
Ky është triumfi i parë i motorit japonez për këtë sezon, duke thyer kështu tersin dhe rikthyer te fitorja pas më shumë se një viti.
Në vendin e dytë u rendit kampioni i botës në fuqi, spanjolli Marc Marquez me Honda, ndërsa në vendin e tretë u klasifikua francezi Fabio Quartararo me Yamaha Petronas. Këta tri pilotë dueluan më së shumti mes tyre për fitoren, por në 8 xhirot e fundit mes tyre u krijuan diferenca të mëdha dhe Vinales fitoi me lehtësi.
Return of the Mack!!! ?@mvkoficial12 storms to victory at Assen! ??#DutchGP ?? pic.twitter.com/4mHWsef5eC
— MotoGP™ ?? (@MotoGP) June 30, 2019
Gjithsesi, nëse Yamaha e spanjollit funksionon mirë ajo e Valentino Rossit po zhgënjen. Piloti italian u rrëzua në xhiron e katërt pas një kontakti me Nagakami, që pasi një aksident të frikshëm, por pa pasoja (ndodhet në qendrën mjekësore të pistës).
Dobët u paraqit edhe motori Ducati, që asnjëherë nuk dueloi dot për fitoren. Dovizioso u klasifikua i katërti, por ishte 14 sekonda më i avashtë se fituesi.
Gjithsesi, pas kësaj gare vijon të dominojë në renditjen e përgjithshme Marc Marquez, që shkëputet edhe më shumë karshi rivalëve, 44 pikë nga Dovizioso. Gara e radhës, pas një jave në Gjermani.