Spanjolli i Honda-s, Marc Marquez, ka qenë fituesi i provave kualifikuese në Brno, Çeki.
Një një ditë të komplikuar dhe të vështirë për shkak të kushteve atmosferike, lideri i botërorit ka siguruar “pole position” me kohën 2’02″753.
Në vendin e dytë është pozicionuar Miller me 2″5, i ndjekur nga Zarco, i cili ka regjistruar kohën 2″598. Nga radha e dytë do të nisen Dovizioso (+2″837), Pol Espargaro (+2″957) dhe Rins (+3.419).
Ndërkohë, Valentino Rossi do ta nisë Çmimin e Madh të Çekisë nga vendi i shtatë.