Diego Laksalt mund të largohet nga Milani pas vetëm një sezoni, ku u transferua nga Xhenoa.
Sipas mediave italiane, në zyrat e kuqezinjve ka ardhur disa oferta për të marrë shërbimet e uruguaianit. Së fundmi Fiorentina dhe Parma kanë kontaktuar drejtuesit kuqezi, për të kuptuar situatën e 26-vjeçarit.
Të dyja skuadrat e duan lojtarin në huazim më të drejtën e blerjes një sezon më vonë, të cilën vështirë se e pranojnë drejtuesit e Milanit.
Por, nuk ka oferta vetëm nga Italia, pasi sipas asaj që shkruan “TRT Spor” në gjurmët e Laksalt është edhe Fenerbahçe. Turqit e pëlqejnë shumë lojtarin, dhe janë të gatshëm ta blejnë atë, në një marrëveshje të përhershme.