Dani Ceballos, mesfushori i Real Madrid që këtë verë u transferua me formulën e huazimit tek Arsenal, ka marrë një vendim për të ardhmen.
Pasi ka mrekulluar publikun e Spanjës me fanellën e kombëtares U21, 23-vjeçari duket se ka vendosur se ku do të luajë në sezonet e ardhshme.
“Topçinjtë” janë zgjedhja e tij dhe, sipas Sun, lojtari është vënë në lëvizje për t’i garantuar vetes qëndrimin në Premier League. “Jam i lumtur këtu dhe dua të qëndroj”. Me këto fjalë e ka komentuar ai momentin që po kalon në Angli.
Sipas shtypi anglez, Ceballos duket se është takuar me numrin një të Real Madrid-it, Florentino Perez, për t’i kërkuar atij që ta shesë përfundimisht tek Arsenal-i.
Objektivi i spanjollit është që të rritet si futbollist në Premier League dhe nuk do që të kthehet më Madrid. Mbetet për t’u parë nëse kërkesa e tij do të pranohet.