Kundërshtarët shpesh i kërkojnë Cristiano Ronaldos fanellën, madje atë para ndeshjes dhe ai gjithmonë i shkëmben, por të dielën kur Juventusi luan me Romën, mund të mos e bëjë këtë gjë.
Pesë herë fituesi i “Topit të Artë” ka një mospëlqim të madh ndaj Giallorossëve dhe zgjatë që nga koha kur ai luante për Manchester Unitedin.
“Djajtë e Kuq” u përball me Romën në Ligën e Kampionëve në vitin 2007 dhe anglezët e fituan ndeshjen e dytë 7-1, duke kaluar tutje me rezultat të përgjithshëm 8-3 në total. Që nga ajo ndeshje Ronaldo nuk ka pëlqim të madh për Romën, sidomos për lojtarët e asaj kohe.
“Kur ishte 6-0, ata më kërkuan të ndalesha, një kundërshtar më lutej që të ndaloja e të mos e dribloja”.
“Të tjerët më kërcënuan se do të më lëndonin”.
“Roma? Nuk ka asnjë lojtar me të cilin do të shkëmbeja fanellën”, ishte rrëfimi i tij në dhjetor të vitit 2018.
Fituesi i pesëfishtë i “Topit të Artë” do të jetë në gjendje të ritregojë rivalitetin e tij me Romën këtë javë, pasi Zonja e Vjetër udhëton në Stadio Olimpico të dielën, drejt rrugës së tyre për titullin e nëntë rresht në Serie A.
Sezonin e kaluar 34-vjeçari ka shënuar 21 gola në 31 paraqitje, në vitin e tij të parë në Serie A. Por këtë sezon ai është më mirë, pasi në 15 ndeshje ka shënuar 13 herë.
Ai është golashënuesi i tretë më i mirë në kampionat pasi Romelu Lukaku me 14 gola dhe Ciro Immobile me 19 gola janë para tij.