Kieran Maguire, një ekspert i financave të futbollit, ka shpjeguar se çfarë po e pret Manchester Cityn, nëse dështon të rrëzojë vendimin e UEFA-s përmes ankesave.
Liga e Kampionëve është një burim i të ardhurave për skuadrat që garojnë në të, dhe për Maguire, kjo do të ketë një ndikim të madh edhe te Manchester City.
“Nuk është çudi që ata janë të zemëruar për këtë ndëshkim”, ka deklaruar Maguire.
“Unë kam parë se çfarë lloj avokatësh kanë City dhe besoj se ata do të aktivizohen”.
“Të ardhurat nga Liga e Kampionëve janë thelbësore për një klub të madh, janë 150 milionë euro në vit që do t’i humbas City nëse nuk fiton apelin”.