Edhe pse bëri një nisje të mirë të sezonit me Juventusin, tashmë Higuain vuan balotazhin me Dibalën, i cili duket se është në një formë të jashtëzakonshme dhe ka fituar vendin e titullarit.
Ky është shkaku që aventura e dytë e Higuainit te Juventusi, mund të mbyllet këtë verë. Siç raportojnë mediat në Itali, do të jetë Roma që do të rihidhet në sulm, për sulmuesin argjentinas.
Klubi verdhekuq e ka kërkuar me ngulm Higuainin në merkaton e verës, por Juventusi mendoi t’i jepte një shans të dytë. Tashmë transferimi në kryeqytet është shumë i mundshëm për të.
32-vjeçari këtë sezon ka luajtur 32 ndeshje në të gjitha kompeticionet, teksa ka shënuar 8 gola dhe ka dhuruar 8 asist.