Cristiano Ronaldo do të paraqitet për të 1000-tën herë si senior kur Juventus të shtunën luan kundër Spal në udhëtim, në ndeshjen e xhiros së 25-të të Serie A.
Nuk ka dyshim se portugezi është një nga më të mëdhenjtë në histori të futbollit. Ndoshta edhe më i madhi.
Në 835 ndeshje me klube si Sporting, Manchester United, Real Madrid dhe Juventus, Ronaldo ka shënuar 625 gola.
Ndërkohë, me kombëtaren e Portugalisë numëron 99 gola në 164 paraqitje.
Gjatë karrierës së tij, 35 vjeçari ka fituar 29 trofe.
Ronaldo karrierën e ka filluar me Sporting, ku bëri 31 paraqitje nga viti 2002 deri në vitin 2003.