Ivan Gazidis ka vendosur për të ardhmen e Alessio Romagnolit, raportojnë mediat italiane.
Romagnoli ka kontratë me Rosonerët deri në vitin 2022 dhe kanë filluar të qarkullojnë zërat për largimin e tij nga San Siro, pasiqë italiani ndryshoi agjent dhe tani agjent i tij është Mino Raiola.
Gazzetta dello Sport, raportoi se Romagnoli ka kërkuar rritje page, ndërsa drejtuesit e Milanit e kishin refuzuar një gjë të tillë.
Nga kjo situatë kërkojnë të përfitojnë Barcelona dhe Atletico Madrid, mirëpo siç shkruan Calciomercato.com, 25-vjeçari do të qëndrojë në San Siro.
Ivan Gazidis është i gatshëm që të nis përsëri bisedimet me Romagnolin për kontratë të re dhe nuk e ka ndërmend ta lërë të lirë atë të largohet nga Milani.