Milani ka filluar të mendojë për sezonin e ardhshëm dhe Rosonerët kanë piketuar disa lojtarë për merkaton e verës e cila do të fillojë në shtator.
Njëri nga lojtarët në listën e Rosonerëve është edhe Cengiz Under. 22-vjeçari i përshtatet profilit të Ralf Rangnick, ndërsa agjenti i tij është shqiptari i njohur Fali Ramadani.
Ramadani është edhe agjent i Jovic dhe Milenkovic dhe transferimi i Under do të jetë edhe më i lehtë për Milanin.
Under do të largohet nga Roma në fund të sezonit dhe Milan dëshiron ta transferojë turkun.
Rosonerët kanë nisur bisedimet me agjentin e tij, ndërsa vlera e Under në treg është 25 milionë euro.