Marash Kumbulla shumë shpejtë pritet që të zyrtarizojë transferimin tek skuadra e Romës pasi ka udhëtuar për në qytetin italian për të kryer kontrollet mjekësore.
Sipas Sky Sport Italia, mbrojtësi shqiptar do të huazohet në sezonin e parë me të drejtë blerjeje më vonë për një shifër prej 30 milionë eurosh.
Siç raportohet ai do të nënshkruajë një kontratë 5 vjeçare me një pagë prej 1,5 milionë eurosh plus bonueset.
Tashmë 20 vjeçari ndodhet në Romë dhe orëve të ardhshme mund të pritet edhe ndonjë komunikatë zyrtare e Giallorosëve për transferimin e tij.