Juventus ishte njëra nga skuadrat më aktive në merkaton që lam pas, duke siguruar disa goditje të mëdha.
Biankonerët transferuan Arthur Melon nga Barcelona, Dejan Kulusevskin nga Parma, McKennie nga Schalke, Alvaro Moratan nga Atletico Madrid dhe transferimin më të madh për këtë vit, Federico Chiesan nga Fiorentina.
Juventus huazoi Chiesan me obligim blerjeje pas dy viteve. Në vitin e parë Biankonerët do të paguajnë 3 milionë euro, në të dytin 7 milionë euro dhe për blerjen e tij do të paguajnë 40 milionë euro. Transferimi mund të kap vlerën totale prej 60 milionë eurove duke përfshirë edhe bonuset.
Pirlo ka në dispozicion lojtarë të shkëlqyeshëm dhe nuk ka dyshim se Biankonerët kanë një skuadër të frikshme këtë sezon. Objektivi kryesor i Juventusit mbetet Liga e Kampionëve dhe me këtë skuadër nuk ka dyshim se Biankonerët janë favorit për ta fituar Championsin.
Formacioni i mundshëm i Juventusit me transferimin e Chiesas:
Në portë mbetet Szczesny. Në vijën e mbrojtjes Juventus do të luajë me tre mbrojtës; Danilo, Bonucci dhe Chiellini.
Në mesfushë do të rreshtohen Cuadrado, Arthur, Bentancur dhe transferimi i ri Chiesa.
Para sulmit do të jetë Kulusevski, ndërsa në krye të sulmit Dybala dhe Ronaldo.
