Mauro Icardi rikthehet në Itali!
Calciomercato.com, ka lëshuar një lajm bombastik duke raportuar se Milan synon transferimin e Mauro Icardit në merkaton e janarit.
Rosonerët janë në kërkim të një qendërsulmuesi, që do të jetë pasuesi i Ibrahimovic, pasiqë për suedezin ky pritet të jetë sezoni i fundit si profesionist.
Te Milani e shohin Icardin si pasuesin ideal të Ibrahimovic, pasiqë argjenatinasi ka shkëlqyer më parë në Serie A me fanellën e Sampdorias dhe Interit.
Icardi nuk po luan shum minuta te PSG nën drejtimin e Tuchel dhe është i gatshëm të rikthehet në Milano.
Rosonerët kanë përgatitur një ofertë prej 10 milionë eurove për huazimin e tij deri në fund të sezonit me obligim blerjeje për 40 milionë euro.
Bisedimet pritet të fillojnë së shpejti, ndërsa Parisienët sipas të gjitha gjasave do ta pranojnë ofertën e Milanit.