Aventura e Christian Eriksen me Interin drejt fundit, por danezi mbetet në Itali.
Christian Eriksen sipas të gjitha gjasave do të largohet nga Interi në merkaton e janarit.
Danezi nuk bën pjesë në planet e Contes dhe nuk po fiton shumë hapësira, prandaj Neroaxurët janë të gatshëm ta shesin atë për një shifër prej 20 milionë eurove.
Shifër kjo aspak e lartë duke pasur parasysh kualitetet që posedon danezi. Portali i njohur spanjoll Don Balon, raporton se danezi do të mbetet në Serie A, pasiqë interesim për blerjen e tij kanë shfaqur Milan, Roma dhe Lazio.
Milani shihet si favorit për të siguruar shërbimet e Eriksen në janar, pasiqë danezi nuk do të ndryshojë qytet dhe Rosonerët kanë stabilitetin financiar për ta bërë një transferim të tillë.