Drejtori i deleguar i Interit, Beppe Marotta është takuar me përfaqësuesin ligjor të Mauro Icardit, Paolo Nicoletti për të zgjidhur ngërçin e marrëdhënieve të lojtarit me drejtuesit e klubit.
Marotta dhe Nicoletti kanë qëndruar rreth një orë duke diskutuar mes tyre për të ardhmen e ish-kapitenit dhe në fund të dy janë shfaqur së bashku. Sipas informacioneve të dala nga “Sky Sport” dhe të gjitha mediet e tjera në Itali është se Icardi do të kthehet që nesër në stërvitje me grupin.
Kjo do të thotë se argjentinasi do të vijojë të përgatitet normalisht me lojtarët e tjerë nën drejtimin e trajnerit Spalletti dhe me të gjithë gjasat do të tentojë të jetë në fushë në ndeshjen ndaj Lazio, më 31 mars.