Gjatë viteve të fundit, Juventusi ka bërë afrime të bujshme me paramatra zero. Verën që lamë pas ishin Ramsej dhe Rabiot që iu bashkuan “Zonjës” me kosto zero.
Por, kampionët e Italisë duan të vazhdojnë traditën dhe të sjellin dy lojtarë të tjerë me kosto zero.
Siç raporton “Calciomercato.com”, Juvja kërkon Uillianin dhe Pedron, të dy sulmuesit e Çelsit, që janë në skadencë kontrate dhe nuk janë plotësisht në planet e Lampardit.
Paratiçi ka udhëtuar kohët e fundit drejt Londrës, ku ka patur një takim me drejtuesit e Çelsit. Gjithashtu raportohet se Paratiçi ende nuk ka hequr dorë nga Erikseni dhe po tenton këtë pistë.