Dramë e vërtetë në Newcastle pasditen e sotme, me vendasit që mposhtën Chelsean në frymën e fundit. Një ndeshje ideale për të vërtetuar rregullin e pashkruar të futbollit: Nëse nuk shënon do e pësosh! Chelsea shpërdoroi pafund, sidomos në pjesën e parë dhe në fundin e ndeshjes mori një goditje surprizë.
Pikërisht atëherë kur gjithçka dukej e mbyllur erdhi goli i Newcastle. Në minutën e 94-të Hayden shënoi me kokë pas një krosimi të Saint-Maximin. Festë e çmendur për vendasit, ndërsa zhgënjim i madh për Blutë e Lampard, të cilët mbeten në kuotën e 40 pikëve, 6 më shumë se ndjekësit e Manchester United dhe Wolves.