Siç raporton Catalunya Radio, Barcelona është e hapur për shitjen e Nelson Semedos këtë verë.
Blaugranët janë të gatshëm ta lënë të lirë portugezin, nëse në adresë të klubit arrinë ndonjë ofertë e pranueshme. Semedo ka luajtur 32 ndeshje sezonin që lamë pas duke realizuar një gol.
Vlera e tij në treg është rreth 40 milionë euro, ndërsa interesim për të ka shfaqur Juventusi. Pirlo është në kërkim të një mbrojtësi për krahun e djathtë dhe e ka piketuar Semedon si përforcimin ideal.
Biankonerët kanë marrëdhënie të shkëlqyeshme me Barcelonën dhe bisedimet pritet të fillojnë ditët në vijim.