Kavilja vazhdon ta shqetësojë dhe me shumë gjasa, sot Patrik Kutrone do ta nisë nga stoli ndeshjen kundër Kievos.
Djaloshi mund të ngushëllohet nga komplimentet pas dopietës në Ligën e Europës, me statistikat që janë të gjitha në favor të tij.
21 gola në 52 ndeshje bëjnë që 20-vjeçari të ketë një mesatare prej 0.4 golash për sfidë e jo të gjitha të nisura nga minuta e parë. Siç raporton “Tuttosport”, vetëm Alesandre Pato ka bërë më mirë me fanellën kuqezi në moshën e Kutrones, me 21 gola në 48 takime. Patriku nuk duhet të mërzitet, sepse lista pas tij është e gjatë e plot me emra të njohur, si Sheveçenko, Mesi, Ibra e madje edhe Kristiano Ronaldo.