Pas mesfushorit Fabregas, skuadra franceze e Monakos ka arritur akordin me një tjetër futbollist të Çelsit. Bëhet fjalë për sulmuesin belg, Miçi Batshuai.
25-vjeçari do t’i bashkohet skuadrës së Tieri Henri në formë huazimi, teksa kreu mbrëmjen e djeshme testet mjekësore me klubin francez.
Sulmuesi në pjesën e parë të sezonit ishte i huazuar te Valenca, ndërsa më herët ka qenë pjesë e Dortmundit. Kartonin e belgut e posedon skuadra e Çelsit dhe Monako nuk ka të drejtë ta blejë atë, edhe në rast se 25 vjeçari arrin të shkëlqejë me skuadrën nga “principata”.