Chelsea ka marrë një fitore 2-1 me përmbysje në fushën e Cardiff-it.
Skuadra e Maurizio Sarri-t ka marrë tri pikë të pamerituar në “Cardiff City Stadium”, ndërsa vendasit ka humbur pikë shumë të rëndësishme në luftën për mbijetesë, duke parë se janë vendin e 18-të, pesë pikë larg vendit të 17-të.
Takimi është zhbllokuar në minutën e 46-të nga një e majtë e bukur e Victor Camarasa, i cili është golashënuesi më i mirë i Cardiff-it në këtë sezon të Premier League me pesë realizime.
Befasia për vendasit ka ardhur në minutën e 84-t, kur Azpilicueta ka barazuar për miqtë në një pozicion jashtë loje të dukshëm për të gjithë, por jo për anësorin.
Ky gol ka demoralizuar Cardiff-in dhe i ka dhënë zemër londinezëve, të cilët kanë përmbysur rezultatin me Loftus-Cheek në minutën e 91-të.
Falë këtyre tri pikëve, Chelsea ka 60 pikë në renditje, vetëm një më pak se vendi i katërt, që mbahet nga Manchester United.