Paris Saint-Germiani është duke insistuar që në verë ta transferojë N’Golo Kanten, edhe pse Chelsea u ka bërë me dije se francezi nuk është në tregun e transferimeve.
Skuadra nga Parisi ka kohë që është duke tentuar ta transferojë mesfushorin francez nga Blutë e Londrës, por këta të fundit janë duke u rezistuar ofertave të majme.
Kante, i cili i ka fituar dy tituj të Ligës Premier dhe Kupën e Botës, është prioriteti i PSG-së për afatin kalimtar të verës.
28-vjeçari mund të joshet nga ofertat milionëshe të skuadrës franceze, pasi ka humbur vendin e tij natyral si mesfushor qendror, me arritjen e Maurizio Sarrit dhe Jorginhos në verën e kaluar te Chelsea.
Strategjia e trajnerit italian po i zhduk cilësitë e Kantes, andaj PSG është duke tentuar ta transferojë atë në këtë afat kalimtar veror.
Chelsea po refuzon ta shesë mesfushorin francez, por parisienët janë duke planifikuar që të ofrojnë 150 milionë euro për transferimin e tij.