Sipas raportimeve të fundit, Milani i ka vendosur një çmim fillestar Krzysztof Piatek pas interesimit të shfaqur nga Chelsea.
Piatek u transferua te Milani në janar për shifrën e 35 miliona eurove nga Genoa, ku kishte patur një fillim eksploziv.
Polaku shënoi 22 gola sezonin e kaluar në Serie A, 9 me fanellën e Milanit, mirëpo ai nuk e ka nisur mirë sezonin e ri.
Piatek ka shënuar vetëm 3 gola në 8 ndeshje të luajtura në Serie A këtë sezon dhe trajneri i ri Pioli shpreson ta rikthejë atë në formën e tij më të mirë.
Calciomercato.com, raporton se Chelsea ka shfaqur interesim për Piatek, mirëpo Blutë nuk kanë bërë hapa konkret. Më tej shkruhet se Milani i ka vendosur një çmim fillestar Piatekut prej 35 miliona eurove.
Lampard e sheh Piatekun si përforcimin ideal për vijën e sulmit dhe dëshiron që të krijojë një dyshe me Abraham.