Real Madrid nuk është e interesuar që ta mbaj në skuadër talentin e saj aktualisht të huazuar tek Borussia Dortmund, Achraf Hakimi.
Mbrojtësi me prejardhje marokene është në vitin e dytë të huazimit tek Borussia Dortmund dhe gjatë kësaj vere duhet të largohet nga gjermanët pasi këta të fundit nuk e kanë të drejtën për ta blerë përfundimisht atë.
Kjo nuk ka kaluar pa u vërejtur nga Juvents që ka disa kohë që po e vëzhgon talentin dhe këto ditë pritet që të fillojnë bisedimet me madrilenët për ta sjellë atë në Torino.
Një gjë është e sigurtë, Hakimi është një prej mbrojtësve të djathtë më të talentuar në Europë dhe Juventus me këtë transferim do të përforconte shumë repartin mbrojtës.