Rikthehen zërat që vënë në dyshim të ardhmen e Gerard Deulofeut te Barcelona. Mesfushori me tipare sulmuese u rikthye këtë verë te katalanasit, të cilët ushtruan të drejten e riblerjes për 12 mln euro, por futbollisti nuk po përshtatet në skemat e Valverdes, ndaj në janar te Barça presin oferta për 23-vjeçarin.
Interesi për Deulofeun nuk mungon, duke nisur që nga Atletico e Madridit dhe Sevilla në Spanjë apo edhe Napoli, Dortmundi, Tottenhami e Arsenali, skuara që duhet të paguajnë të paktën 25 milionë euro për shërbimet e tij.