Me golin e shënuar në gjysëmfinale kundër Al Jazeera në kuadër të botërori të klubeve, Ronaldo theu edhe një rekord tjetër duke u bërë golashënuesi më i mirë në këtë kompeticion.
Portugezi po e mbaron sezonin më të mirë në karierën e tij, dhe është krenar për atë që ka treguar në fanellen e madrilenëve.
“Jam i lumtur dhe krenar për karierën time dhe për përshtypjet që kam dhënë në fushën e futbollit dhe në fanellën e Real Madridit. Topi i Artë dhe golashënuesi më i mirë në botërorin për klube janë motivim për mua që të vazhdoj të punoj fort. Dua ti falenderohem bashkëlojtarëve të mi, pa ata asgjë zdo të ishte e mundur. Do të vazhdoj të jap më të mirën time për fansat e mi”, ka deklaruar Ronaldo.
Ronaldo theu edhe një rekord tjetër në Champions League, ku u bë lojtari i parë që ka shënuar në të gjitha ndeshjet e fazës së grupeve.