Yjet e Manchester City-t janë tallur në mënyrë direkte me rivalët Manchester United pas fitores së madhe ndaj Tottenham Hotspur në Etihad, duke kënduar në kor rreth skuadrës së United “parko autobusin.”
Të besuarit e Pep Guardiola-s vazhduan ecurinë e fitoreve duke shkatërruar skuadrën e Pochettino-s me rezultatin 4-1 pas një paraqitjeje fantastike.
Duke festuar në dhomën e zhveshjes, lojtarët e City-t kanë gjetur një mënyrë origjinale për të thumbuar rivalët e të njëjtit qytet duke kënduar “parko autobusin United.”
Skenat janë filmuar dhe postuar online nga mbrojtësi i dëmtuar i ekipit Benjamin Mendy.
Në videon e shkurtër Mendy duket duke mbajtur aparatin teksa shokët e skuadrës rreth tij, akoma të veshur me uniforma, kanë kënduar dhe festuar.
Mendy vazhdoi të filmonte deri në momentin e korit të fundit, ku lojtarët tallen me Manchester United dhe stilin e tyre të lojës.