Mbrojtësi i Milanit, Leonardo Bonucci, tashmë është duke pritur klubin, vetëm disa muaj pas bashkimit me kuqezinjtë dhe largimit nga Juventusi, thonë burimet për “Goal”.
Bonucci u transferua në “San Siro” për 40 milionë euro gjatë verës dhe atij iu dorëzua menjëherë shiriti i kapitenit në klub. Megjithatë, Milani kanë duruar një fillim makthi të sezonit dhe aktualisht pozicionohet në vendin e tetë të Seria A, 18 pikë prapa liderëve të Napolit, duke shkarkuar edhe ish-trajnerin Vincenzo Montella, i cili u zëvendësua me ish-mesfushorin kuqezi, Gennaro Gattuso. Ndërsa Milani është këmbëngulës se nuk do të shesë asnjë lojtar të ekipit të parë gjatë periudhës së dimrit, është e kuptueshme se ndërmjetësit janë duke pritur nëse italiani ndërkombëtar do të mund të joshet nga jashtë vendit.
Bonucci ka qenë i lidhur me Manchester City, edhe pse klubi anglez nuk ishte në gjendje ta bindte atë të largohej nga Italia. 30-vjeçari e kupton se me Milanin nuk mund të luajë në Ligën e Kampionëve, të paktën edicionin e ardhshëm, por nuk ka gjasa që klubi kuqezi ta lejojë atë të largohet për më pak se 40 milionë euro, sa ka paguar për të në verë. Trajneri i Chelsea, Antonio Conte, e pëlqen shumë Bonuccin, për të cilin ka pasur lëvdata gjatë tri sezoneve të përbashkëta bardhezi, njëri si trajner dhe tjetri si futbollist. Bonucci ka luajtur 15 ndeshje të Seria A në këtë sezon dhe ka qenë në anën fituese vetëm gjashtë herë.