Sulmuesi brazilian, Gabriel Jesus për shkak të lëndimit në gju do të qëndrojë jashtë fushe më së paku një muaj.
Gabriel Jesus u lëndua në ndeshjen kundër Crystal Palace, por për fat të mirë lëndimi nuk rezultoi të jetë i rëndë sikur vitin e kaluar ku Jesus u detyrua të qëndrojë për 3 muaj jashtë fushave. Guardiola konfirmoi se braziliani do të qëndrojë jashtë fushe për një muaj.
Lajmi i mirë është se Jesus nuk do duhet të operohet, ai gjendet në Barcelonë ku do të kontrollohet nga një mjek specialist për lëndimet e gjurit.