Pep Guardiola ka reaguar kundër kalendarit të ngjeshur të Premier Leagues,duke përmendur faktin që skuadrat angleze duhet të luajnë edhe për Krishtlindje.
“Tradita është traditë, por kalendari nuk i mbron futbollistët. Ishte hera e parë që lamë pikë pas shumë kohësh, ndërsa ndaj Watfordit reaguam mirë, skuadra arriti të shënonte 3 gola.”
“Ne po i vrasim futbollistët. E di që spektakli duhet të vazhdojë, por kjo s’është normale. Bëjnë shumë kontrolle antidoping, por duhet të kontrollojnë kalendarin.
Jemi të gjithë pjesë e këtij biznesi, falë futbollistëve. Nuk mund të luhet çdo dy ditë, sepse futbolli nuk është si basketbolli apo tenisi. Në futboll kërkohet më shumë kohë për të marrë veten fizikisht.”