Chelsea në raundin e 3-të të FA Cup nuk ka arritur të marrë më shumë se një barazim 0-0 me skuadrën e Norwich.
Kjo do të thotë se skuadra e Conte-s do të luajë edhe një ndeshje tjetër me skuadrën Norwich por këtë rradhë në Stamford Bridge.
Pas një pjese të parë për t’u harruar, Blutë e Londrës u zgjuan në pjesën e dytë të takimit dhe krijuan jo pak raste për të shënuar, por në asnjë moment nuk dukeshin se do të gjenin golin e fitores.
Edhe Norwich u mundua të bënte diçka në sulm pas pushimit, por pa sukses. Me këtë barazim Chelsea vazhdon të vuajë për të gjetur golin, sidomos me sulmuesit.
Barazimi është i rëndë për Conte-n, i cili tani duhet të shtojë edhe një ndeshje në kalendarin e ngjeshur.