James Rodriguez ka pranuar se është ndjerë keq kur është larguar nga Madridi pasiqë nuk ka lënë shenjat e tij dhe se do të dëshironte që të përballej me Zidane në Ligën e Kampionëve.
Edhe pse ai dha kontributin e tij në Real Madrid, sezonin e shkuar ai u gjet në pankinë dhe pas përfundimit të sezonit u transferua te Bayerni.
“Çdo trajner ka lojtarët e tij të preferuar, ka thënë Rodriguez”.
“Nuk e di a mund të them se kam pasur afërsi me Zidane por çdo trajneri ka preferencat e tij. Nuk mund të them se ai skishte besim te unë por tani më nuk ja vlen të flasim për atë çështje”.
“Si futbollist Zidane ishte i preferuari im. Ai ishte i shkëlqyeshëm dhe kishte shumë kualitete”.
“Ishte e dhimbshme mënyra se si u largova nga Reali pasiqë Reali ishte ëndërra ime por futbolli është kështu sot je aty ku dëshiron dhe të nesërmen nuk je”…
James gjithashtu u shpreh edhe për formën momentale të Realit.
“Ata nuk po kalojnë momente të mira por sezoni është ende i gjatë dhe mund ti kthejnë gjërat në favorin e tyre, do të dëshiroja që të përballeshim në finalen e Ligës së Kampionëve”, përfundoi James.