Paratë nuk janë problem për klubin Parizien, kurse ata nuk do të kursejnë për ta sjellur trajnerin më të mirë në këto momente Pep Guardiola.
Menaxheri i Manchester Cityt, Pep Guardiola është në sezonin e tij të dyt te Qytetarët dhe është drejt rrugës për ta fituar Premier League. Guardiola ka krijuar një superskuadër e cila përjetoi humbjen e parë javën e kaluar kundër Liverpoolit.
PSG dëshiron lojtarët më të mirë në skuadrën e saj, gjithashtu edhe trajnerin më të mirë.
Mediat angleze shkruajnë se PSG janë të gatshëm që ti ofrojnë atij një çek blanko që ai të transferohet te skuadra e tyre.
Momentalisht ai te City përfiton 15 milionë euro në vit dhe është interesant fakti se ai ka refuzuar vazhdimin e kontratës në klubet e mëhershme ku ka kryer punën e trajnerit te Bayerni dhe te Barcelona. Te Barcelona qëndroi katër vite kurse te Bayerni tre, kurse tani është në sezonin e tij të dytë te City.
Atij i kanë ngelur edhe 2 vite e gjysmë por në rast se arrin ta fitojë Premier League dhe Champions League, Guardiola do të kërkojë sfida të reja dhe mund të përfundojë në “Parkun e Princave”.