Santiago Bernabeu duket se tanimë nuk e ka efektin që dikur i frikësonte skuadrat mysafire, tani është kthyer në në stadium makthi për vetë Real Madridin.
“Los Blancos” gjatë këtij sezoni kanë fituar 9 ndeshje në Santiago Bernabeu duke barazuar 5 dhe duke humbur 4 të tjera dhe ky deri më tani është sezoni më i keq në historinë e klubit.
Vetëm në sezonin 2006/2007 ishin pothuajse këto statistika por edhe atëherë nuk kishin shënuar kaq humbje kur atëherë kishin 9 fitore, 6 barazime dhe 3 disfata.
Në ndeshjen e të mërkurës Theo Hernandez dhe Karim Benzema ishin shënjestër e fishkëllimave të publikut për shkak të formës katastrofale që po kalojnë.
Kapiteni i skuadrës madrilene Sergio Ramos ka thënë se është koha që e gjitha skuadra të bashkohet.