Ish drejtori sportiv i Bayern Munchen, Matthias Sammer, ka pranuar se ka bërë gabim që ka lejuar Kroosin të transferohet te Reali.
Kroos u transferua te Reali në vitin 2014 për 25 milionë euro, që në ditët e sotme duket një shumë e vogël.
Te Reali, Kroos dhe Modric e krijuan mesfushën më të mirë në botë dhe për këtë fakt te Bayerni mund të qahen.
“Njeriu duhet ti analizojë gabimet e tij nga e kaluara e tij, pasiqë askush nuk sjell gjithmonë vendimet e duhura. Ndoshta Bayern me Kroos do ta fitonte më shumë Ligën e Kampionëve ose do të luante në finale më shpesh. Një gjë është e sigurtë, gabuam që e lëshuam atë”, ka deklaruar Sammer.
Kroos për Realin ka luajtur 176 ndeshje ku ka shënuar 11 gola dhe 56 asistime.