Delf është në pikëpyetje, Fernandinho sigurtë nuk do të luajë në ndeshjen e sontme, Sterling sapo u rikuperua, kurse tani është lënduar edhe Sergio Aguero.
Golashënuesi më i mirë i skuadrës Sergio Aguero do të mungojë për dy javë, pasiqë ka dëmtuar gjurin e tij gjatë stërvitjes.
“Gjatë stërvitjes së djeshme ndjeva dhimbje në gju, kurse mjekët e klubit më thanë se do të kthehem në fushë pas dy javësh”, ka konfirmuar Aguero në Twitterin e tij.
Sipas të gjitha gjasave sonte ndeshjen nga minuta e parë do ta fillojë Gabriel Jesus, i cili për shkak të lëndimit nuk luajti në 12 ndeshje.