Mustafi nuk është ftuar për miqësoret që Gjermania i zhvillon me Spanjën dhe Brazilin.
Trajneri i Gjermanisë, Joachim Low, nuk e ka ftuar mbrojtësin shqiptar të Arsenalit, Shkodran Mustafi, për miqësoret e marsit kundër Spanjës (23 mars) dhe Brazilit (27 mars).
Pavarësisht se Mustafi është titullar te “Topçinjtë”, nuk e ka bindur Lowin për t’u ftuar në Kombëtare.
Para shqiptarit janë ftuar: Matthias Ginter i Borussia Mönchengladbach dhe 26 vjeçari i Hertha Berlinit, Marvin Plattenhardt.