Mediat spanjolle kanë spekuluar se Zinedine Zidane mund të shkarkohet nga Reali në fund të sezonit, por duket se francezi do të mbetet në Madrid.
Zidane e filloi karierën e tij si trajner te Reali në mënyrë të shkëlqyeshme, por humbja e titullit dhe eleminimi nga Copa del Rey i ka dëshpëruar fansat e Realit.
Megjithatë Zidane gëzon besim të madh në Madrid, kurse rreth së ardhmes së tij ka folur gazetari nga Madridi, Eduardo Indi, i cili ka mjaft informacione rreth klubit Madrilen.
“Këto janë informacionet më të reja. Real Madrid ka trajner për sezonin e ardhshëm dhe ai është Zinedine Zidane edhe nëse Reali nuk e fiton Ligën e Kampionëve”, zbulon Indi.
“Në anketën e fundit, 90% e tifozëve dëshirojnë që Zidane të mbetet te Reali, ka përfunduar Inda.”