Juventusi është nikoqir i Real Madridit për ndeshjen e parë çerekfinale të Ligës së Kampionëve.
Dy rivalët e mëdhenj evropianë e njohin mirë njëri-tjetrin, duke qenë se janë takuar disa herë në të kaluarën.
Përballja e tyre më e fundit ishte pikërisht në finalen e Ligës së Kampionëve në edicionin e kaluar, të cilin Los Blancos e fituan me rezultat 4-1.
Prandaj takimi në Torino është përmendur si një mundësi hakmarrjeje nga Zonja e Vjetër.
Formacioni zyrtar i Juventusit: Buffon; De Sciglio, Barzagli, Chiellini, Asamoah; Douglas Costa, Khedira, Bentancur, Alex Sandro; Dybala, Higuain.
Formacioni zyrtar i Real Madridit: Navas; Carvajal, Ramos, Varane, Marcelo; Kroos, Casemiro, Modric; Isco; Cristiano Ronaldo, Benzema.